اهداء خاص الى شخص عزيز
(شعر حمدان المري)
استأذنك .. بسافـر أيام .. و آجيـك
وان طالـت أيام السفـر .. لا تحاتـي
حتى ولـو طوّلـت .. مانـي بناسيـك
ياللي بدونك .. ويش تسـوى حياتـي؟
تأمر على حاجه؟؟ .. بودّعـك واليـك
عسى عوّض الأيام .. فـي ألمقبلاتي
حتى يدي .. ما ودّهـا تفـارق يديـك
ساكت .. وأنا أشوف البلاء في سكاتـي
ما شفتني لا رحت منك .. التفـت فيـك
بـلاي والله روحتـي والتفـاتـي
لكن قبـل مـا روح .. ودي أوصيك
و أنت الوحيـد اللـي يقـدّر وصاتـي
لاحد سالك .. و قالك وين مغليك ! ?
قلـه: "لـوازم لا قضـاهـا بيـاتـي"
وان طروا النسيـان .. مانـي بناسيـك
يـا رأس مالـي فـي الحياة .. و غناتـي
وان طروا السلـوان .. مانـي بساليـك
طيفك معي حتـى وأنا فـي صلاتـي
قلبي .. وهـو قلبـي إذا مـرّ طاريـك
لولا ضلوعـي .. كـان عـزوا مماتـي
لو جض صدري .. كان يمديـه يأتيك
ويبـات عنـدك .. و يهنـى بالمبـاتـي
أنا .. وقلبي .. و الغلا .. ساكـنٍ فيـك
وانته .. وقلبك .. و الغلا .. وسط ذاتـي
غلاك .. مثل الحكـم عنـد المماليـك
اكبر طموحـي .. لا .. كـل أمنياتي
شف فـي غيابـي أي حاجـه تسليـك
لأني بعدك .. أسلى مـع ذكرياتـي
أحاول اذكـر .. أي شـيٍ يطريـك
"وأقول هو سوا .. وأنا ذي سواتـي "
كني مـوادع .. كـل شـيٍ حواليـك
وكني حسبت حساب حزة وفاتـي
أحب .. لأني مقدر أنساك .. وأبيك
ولا اقـدر أخليك .. ياللـي تحاتـي
معنى أحب .. ومقدر أنسى وأخليك
يعني بدونك ويش تسوى حياتـي ؟
لـ آلششآعر حمدآن آلمري . .
